Marie de Jongh, Panta Rhei eta K Producciones, Ipar Eszena Bidean Euskadi ordezkatuko daben hiru konpainiak

Bizkaie! 2024-05-02 10:33   Kulturea

'MrBo'. Marie de Johng


'La osa estelar'. Panta Rhei

Ipar Eszena Bidea - Camino Escena Norte (CEN), Euskadi, Galizia, Asturias, Kantabria eta Nafarroako antzerki, jantza eta mobimentu arte konpainiek eta zirku barriek parte hartzen daben kultur truke programea, seigarren edizinora heldu da aurten, areto eta agertoki barriak gehituz eta beste hamar eguneko programazinoa, aurreko urteetako eskaintza zabalduz.

Sektoreko eragileen 5 batzorde profesional independentek hautatu ditue, CENen parte hartzen daben erkidego bakotxean bana. Programeak bost lurraldeetako produkzino eszeniko profesional onenetako batzuk erakusten ditu, hizkuntza, diziplina eta proposamen estetiko ugari tarteko dirala, testu-antzerkiaren presentziagaz, umeentzako eta familia-ikusleentzako ikuskizunak, zirku barria, jantza eta sorkuntza garaikidea, ikuskizun didaktikoak eta esperientziak. Edizino honetako proposamen asko euren komunidadeetatik kanpo estreinaldiak izango dira.

El nadador de aguas abiertas obreagaz parte hartuko daben K Produccionesen (K Produkzioa eta Zuzendaritza Artistikoa) lana hautatu dabe; Cia. Panta Rhei The Star Bear-egaz eta Marie de Jongh-ek Mr Bo eskainiko dau.

Galiziak Ibuprofen Teatro konpainiak hautatu ditu Deadpan Karaoke eta Píscore - Culturactiva Molto Barrocogaz eta Colectivo Glovo Tabú-gaz.

Asturiasek CEN kultur trukean parte hartuko dau La Westia Producciones eta Ada Byron: La tejedora de personas; Adrián Conde Espectáculos eta Check Out, eta Teatro Plus, Arimearen geometria irudikatuko dauena.

Hilo Produccionesek egingo dau Anónimogaz batera Lazarillo de Tormesen bizitza eta bere zoriak eta zoritxarrak; Ruth Garreta – El Conejo Salvaje Hatzen etxea-gaz eta Trueba Producciones-ek Bide ausarta-gaz parte hartuko dabenak.

Nafarroak hiru proposamen artistiko eskaintzen ditu: Yarleku - El Punto Gunea eta By ò Bu. Ez-existentziara hurbiltzea; Txoriak Margotutako Antzerki Sorkuntza Oliviaren lorategiagaz eta Estefanía de Paz Asín Olvido Flores-egaz.

CEN Gomendatutako Ikuskizunen Katalogoa

Bigarren edizinoa argitaratu zan, hautatutako hogeita hamar produkzinoak sustatzeko eta proiektuaren esparrutik kanpo zabaltzen laguntzeko balio dauen argitalpena. Sektoreko agente profesionalen bost batzorde independentek hautatu ditue, Camino Escena Norte erakundetik kanpo. Talde honeekuek proiektuaren edizio honetara aurkeztutako ia 200 proposamenakaz lan egin dabe Konstelazioen Ibilbidean, gure erakusketa eszeniko profesionalen sarean, bira egiteko.

Bigarren katalogo honen helburua da galiziar, asturiar, kantabriar, euskal eta nafar arte eszeniko profesionalak euren mugetatik kanpo ikusgai jarteko eta zabaltzeko beste tresna bat izatea.

Era berean, Camino Escena Nortek sektoreko ekitaldi profesional nagusietan (bilerak, azokak, merkatuak...) izango dan katalogoari buruzko informazinoa dauen txartela argitaratu dau, testuinguru profesional huts horreetan katalogoa ikusgai jarteko.

Konsultau eta deskargau 2024ko katalogoa hemen.

Kultur truke proiektua

Arte eszenikoen bidez kultur trukea sustatzeko helburuagaz jaio zan, Santiago de Compostelarako bideak erreferentzia eta hari komun legez hartuta. Sortu zanetik, 2019an, antzerkia, jantza, mobimentu-arteak eta zirku barria urruti dagozan agertokietara eroan ditu, kasu askotan, ohiko zirkuituetatik, kulturara sartzeko aukerea eskainiz udalerri eta herrietako ikusleei ikuskizun mueta hau.

Escena Galega (Galizia), EscenAsturias (Asturias), ACEPAE (Kantabria), Eskena (Euskadi) eta ESNA (Nafarroa) arte eszenikoen produktoreen alkarte profesionalek sustatutako ekimena da. Guztiak proiektu hau lantzeko, kudeatzeko eta produziduteko sortutako Camino Escena Norte Interes Ekonomikoko Talde gaindiko erakundean alkartuta.

CENek administrazino-maila guztietako laguntza ekonomikoa dau, baita estadutik hasi eta toki-erakundeetaraino, eskualdeko, foru eta eskualdeko gobernuak be, baita hainbat laguntza pribatu be.