Maiatzaren 25ean eta 26an egingo da aurten Portugaleteko Folklore Azokea. Ibilaldia Bizkaiko ikastolen jaiagaz bat egiteko atzeratu dabe, halan jente gehiago batzeko asmoz. Musikea, jantzea, tailerrak, erakustaldiak... egitarau polita prestau dabe.

Ertza konpainiaren 4 x 4 obreak jaso dau 2013ko Umore Azoka Saria Euskadiko Ikuskizun Onenari: uriko hizkuntzetan oinarritutako pultsu dramaturgikoa, planteamendu estetikoa eta soluzino teknikoagaitik, eta etnia desbardineko lau jantzarik koreografiautako arte latza egiten dabelako.

Gizakiak lurrean itxitako errastua dau ardatz De paso en la tierra / De passage sur la terre / Lurrean igarota erakusketeak. 50 bat artistaren argazkiak batu ditue Bilboko Udalak eta Institutu Frantsesak, ZAWP Bilbao kolektiboagaz lankidetzan.

Bilboko Arkeologia Museoak Iragana ezagutu jardunaldiak egingo dira maiatzean eta bagilean. Lehenengo berbaldia Diego Garatek eta Joseba Riosek emongo dabe, hilaren 21ean, martitzena. Jarduera guztiak doban dira, eta 19:30ean hasiko ditue.

Mitologia euskal literaturan gaia berbagai hartuta, Toti Martínez de Lezea eta Dolores Redondo idazleak izango dira protagonista Eztabaidak literatureagaz ekimenean. Hitzordua: maiatzaren 21ean, arratsaldeko 19:30ean, Bilboko Bidebarrietako liburutegian.

Getxoko Udalak Aixe Getxo! sariak banatuko ditu datorren eguenean, maiatzaren 16an, Kultura munduaren hainbat arlotan, udalerrian sortutako zenbait eragile eta ekimenek egindako lana, beren konpromisoa eta zabalkunde ahalegina azpimarratzeko asmoagaz Koldo Iturbe Kultura zinegotziak adierazo dauenez.