Egitasmoaren oinarria eta helburua, ondare linguistikoa, etnografikoa eta kulturala batzea eta aztertzea izan da, gero berorregaz Haur Hezkuntzako eta Lehen Hezkuntzako umeentzat material didaktikoa sortzeko. Lana DVD euskarrian kaleratuko da.

Eusko Jaurlaritzako Gobernu Kontseiluak 'Kultura Bonoa' izeneko txartelaren bidez hainbat formatutako kultura-produktuen erosketak diruz laguntzeko baldintzak arautzen dituan agindua onartu dau. Ekimen horren bidez, kultur kontsumoa suspertu gura da, herritarrei kultura-produktuen erosketetan apliketako dan diru-osagarri bat zuzenean emonaz.

Zirkuitua zemendiaren 22an hasi eta abenduaren 11n amaituko da, eta formatu zein kalidade handiko bost ikuskizun eroango ditu Uharte, Etxarri Aranatz, Berriozar, Auritz eta Artika herrietara. Ruper Ordorika musikaria eta Euskarazetamol antzerki obrea izango dira, besteak beste, jentaurrean.

'Frank Lloyd Wright' erakusketearen harira, museoak antolatutako 'Arkitektura eta ingurunea' izeneko argazki lehiaketan inguruneagaz bat egiten daben eraikinak eta arkitektura-elementuak erakusten dituen argazkiak sarituko ditu. Lehiaketea Facebook sare sozialaren bidez egingo da.

Bilboko Arte Eder Museoak John Daviesen 'Child's View' eskulturea eta Ricardo Barojaren 'Taller de máquinas' olio-pinturea eskuratu ditu bere bildumarako.

Zientzia eta teknologiaren arloko gaien eta ikerketen euskerazko dibulgazinoa, kazetaritzea eta narrazio-lanak bultzatzeko helburuagaz, hiru kategoria egongo dira: 'Dibulgazino-artikulu originalak', 'Gazteei zuzendutako zientzia-narrazinoak' eta 'Zientzia-kazetaritzearen arloko lanak'.