Bertsoa Unibersidadean ekimena aurkeztu dabe

Bizkaie! 2014-04-15 18:15 Bertsolaritzea

EHUko uda ikastaroen barruan Bertsoa Unibersidadean eskolea antolatu dabe EHUko Uda Ikastaroak eta Mintzola Fundazinoak alkarlanean eta Gipuzkoako Foru Aldundiak babestu dau proiektua. Bost urteko hitzarmena adostu dabe eta, beraz, aurten hasi eta datozen 4 urteotan bertsolaritzeari eta ahozkotasunari buruzko 5 egunetako ikastaroa atonduko dabe EHUko uda ikastaroak eta Mintzolak auzolanean.

Bertsoa Unibersidadean ekimena aurkezteko prentsaurrekoa eskaini dabe Amasa-Villabonan, Mintzola Fundazinoaren egoitzan Jose Luis de la Cuesta, EHUko uda ikastaroen zuzendariak; Iñaki Murua, Mintzola Fundazinoko lehendakariak; Garazi Lopez de Etxezarreta, Gipuzkoako Foru Aldundiko Kultura zuzendariak; eta Karlos Aizpurua, Mintzola Fundazinoko Ikerkuntza arduradunak.

EHUko uda ikastaroen barruan Bertsoa Unibersidadean eskolea antolatu dabe EHUko Uda Ikastaroak eta Mintzola Fundazinoak alkarlanean eta Gipuzkoako Foru Aldundiak babestu dau proiektua. Bost urteko hitzarmena adostu dabe eta, beraz, aurten hasi eta datozen 4 urteotan bertsolaritzeari eta ahozkotasunari buruzko 5 egunetako ikastaroa atonduko dabe EHUko uda ikastaroak eta Mintzolak auzolanean. Zikloa berbaldi, mahai-inguru eta performancez osotuko da, eta garagarrilaren bigarren astean emongo da, Miramar Jauregian. Ikastaroak bertsolaritzea izango dau ardatz, baina bertsolaritzearen ondoko baratzeak be hartuko ditu bere barruan. Batetik, ahozko literaturearen ekosistemako kideei egingo jake leku: antzerkia, ipuina zein kantua. Bestetik, kantu inprobisatuaren ekosistemako beste kideei egingo jake leku; oraingoan ez bada etorkizuneko edizinoetan.

Aurtengo eskoleak 3 ikastaro izango ditu eta garagarrilaren 7tik 11ra gauzatuko da. Bertsolaritzea eta beste hiru esparruren arteko hartu-emonen barri emongo da hiruretan.

Ziklo osorako edo ikastaro bakotxerako matrikulea egin daiteke.

Ikastaroak:

- Bertsolaritzea eta ahozkotasuna Hezkuntza Arautuan. Informazino gehiago hemen.

Matrikulearen prezioa, maiatzaren 31ra arte: 80 € / Bagilaren 1etik aurrera: 92 €

- Bertsolaritzea eta beste sorbideak. Informazino gehiago hemen.

Matrikulearen prezioa, maiatzaren 31ra arte: 40 € / Bagilaren 1etik aurrera: 44 €

- Bertsolaritzea eta gaurko gizartea. Informazino gehiago hemen.

Matrikulearen prezioa, maiatzaren 31ra arte: 40 € / Bagilaren 1etik aurrera: 44 €

Ziklo osorako matrikulea egin ezkero:

Matrikula berezia, maiatzaren 31ra arte: 120 € / Bagilaren 1etik aurrera: 140 €

Bekak:

Interesatuek matrikula edo/eta lojamendu bekak eskatu leikiez:

- Matrikula-bekea izateak, ikastaroaren egiazko balioaren %50 bakarrik ordaintzeko eskubidea eskaintzen dau (Bekea izateak ez dau plazea bermatzen).

- Lojamendu-bekek, hautatutako egoitza eta aukerearen araberako lojamendu-eskubidea emoten dabe eta gau guztien egiazko balioaren %50 ordaindu beharko da, Ikastaroaren hasierearen bezperatik amaitzen dan eguneko bezperaraino, bekak adierazoten dan egoitzan eta bekadun zaren ikastaro bakotxean.

- Beka-eskariak inprimaki ofizialean egingo dira 2014ko apirilaren 30a baino lehenago, ikastaroetako Idazkaritzara bialduz.

Informazino gehiago:

Uda Ikastaroen Idazkaritza
Miramar Jauregia
Miraconcha Pasealekua, 48
20007 DONOSTIA
Tel (+34) 943 21 95 11
Faxa (+34) 943 21 95 98
udaikastaroak@ehu.es
www.ehu.es/cursosverano

Ikusi argazki guztiak handiago