Jean-Baptiste Orpustanek eta Mariasun Landak jasoko dabe aurtengo Eusko Ikaskuntza saria
2014-06-17 18:45 sariak-autortzakSari horren helburua kulturearen mesedean jardunean dagozan ikertzaile, zientifiko eta Humanidade, Kultura, Arteak eta Gizarte Zientzietan aditu onenei bikaintasuna autortzea da. Esan bezela, Orpustanek eta Landak ex aequeo jasoko dabe. Holan jakinarazo dabe gaur, bagilak 17, Iñaki Dorronsoro Eusko Ikaskuntzako presidenteak eta Pello Ugalde Laboral Kutxako lurralde zuzendariak.
Jean-Baptiste Orpustan hizkuntzalari eta ohorezko euskaltzainak eta Maria Asun Landa idazleak irabazi dabe 2014ko Eusko Ikaskuntza-Laboral Kutxa Humanidade, Kultura, Arteak eta Gizarte Zientzien saria. Orpustanen hautagaitzea Euskaltzaindiak aurkeztu eban: Zuzendaritzak proponidu, eta Osoko batzarrak berretsi eban.
Sari horren helburua kulturearen mesedean jardunean dagozan ikertzaile, zientifiko eta Humanidade, Kultura, Arteak eta Gizarte Zientzietan aditu onenei bikaintasuna autortzea da. Esan bezela, Orpustanek eta Landak ex aequeo jasoko dabe. Holan jakinarazo dabe gaur, bagilak 17, Iñaki Dorronsoro Eusko Ikaskuntzako presidenteak eta Pello Ugalde Laboral Kutxako lurralde zuzendariak.
Jean Baptiste Orpustan Ortzaizen (Nafarroa Beherea) sortu zan, 1934an. Ohorezko euskaltzaina da, 2004tik. Michel de Montaigne-Bordele III Unibersidadeko irakasle ohia da. 1986an, Jean Haritschelhar zanaren lekukoa hartu eta Bordeleko Unibersidadeko Euskara katedrea eskuratu eban.
Toponimian aditua da. Lapurdum aldizkariaren sortzaileetariko bat eta lehenbiziko zuzendaria izan zan. IKER ikerketa zentroaren arduraduna be izan zan.
Mariasun Landa Etxebeste (Errenteria, Gipuzkoa, 1949ko bagilak 5)
Euskal Herriko idazlea da. 1982an argitaratu eban bere lehenengo ipuina, Amets uhinak. Ospetsua da gehienbat umeentzako idatzitako ipuinakaitik eta Galtzerdi suizida eta Krokodiloa ohe azpian dira ezagunenak. Arlo honetan, liburu asko plazaratu ditu, bai eta hainbat sari irabazi be. Sarien artean, 1991n, Alex ipuinagaitik Haur eta Gazte Literaturako Euskadi Saria eta 2003an, Krokodiloa ohe azpian narrazinoagaitik Espainiako Haur eta Gazte Literaturako Saria aitagarrienak dira.
Filosofia ikasketak egin zituan Parisen. OHOko irakasle lez eta Eusko Jaurlaritzako IRALE programan jardun ondoren, EHUn irakasle da gaur egun.
Eusko Ikaskuntza sariaren irabazleak 20.000 euro jasoten ditu; aurten bi irabazleen artean banatuko dabe dirua. Igaz Mari Carmen Gallastegik eta Francisco Etxeberriak jaso eben saria.
Ikusi argazki guztiak handiago
Erantzun
Erantzuteko, izena emanda egon behar duzu. Sartu komunitatera!