Sortzaileekaz barriketaldiak, Udagoieneko Osterearen 15. edizinoan

| Ikusi handiago | Argazki originala

Udagoieneko Osterea Bizkaiko kultur zirkuituaren XV. edizinoa antolatu dau Euskaltzaleen Topaguneak, Bizkaiko Foru Aldundiaren babesagaz. Aurten, lehenengoz, egitarauan parte hartuko daben sortzaileek barriketaldian egingo ditue. Zemendiaren 5ean, Getxoko Villamonte Kultur Etxean, izango da lehenengo hitzordua, Gari musikariaren eskutik.

Programa honek euskerazko kultur produkzinoa Bizkaiko antzokietara hurreratzen dau, euskaltzaleei aisialdian euskeraz gozetako aukera eskainiz, azaltzen dabe antolatzaileek. Udagoieneko Osterearen 15. edizioa zemendiaren 5an hasi eta 29an amaituko da. Danetara, bost emonaldi eta hiru barriketaldi atondu ditue, Getxon, Balmasedan, Bilbon eta Igorren.

Barriketaldien antolaketan lekuan lekuko euskaltzaleen alkarteek eta hedabideek hartuko dabe parte. Alkarteen kultur eskaintza aberasteagaz batera, zaleak euskaltzaleen mobimentura hurreratzea eta honeei kultur sortzaileekaz harreman bide zuzenak emotea dira helburuak, dinoe. Musikea eta antzerkia izango ditu ardatz aurtengo zirkuituak, eta herritar guztiei zuzendutako emonaldiak izango dira.

Hemen, egitarau osoa:

- Zemendiak 5, eguaztena. Getxoko Villamonte Kultur Etxean, 20:00etan. Debalde. GARI: Musikariagaz barriketaldia, Egizu alkarteak antolatuta eta UK aldizkariak gidatuta.

- Zemendiak 9, domekea. Getxoko Andres Isasi musika eskolan, 19:00etan. Sarrerea 8 euro. GARI – MALDANBERA: Azkenengo sei urteetan bakarka edota bikote moduan ibili ostean, MaldanBera taldeagaz dator Gari, proiektu barri bati ekinez.

- Zemendiak 15, domekea. Balmasedako Klaret Antzokian, 20:00etan. Sarrerea 8 euro. JAINKO TXIKI ETA JOSTALARI HURA: Ikuskizun multimedia barria, Kirmen Uribe, Mikel Urdangarin, Rafa Rueda, Bingen Mendizabal eta Mikel Valverdegaz.

- Zemendiak 22, zapatua. Bilboko BBK Salan, 20:00etan. Sarrerea 12 euro. ANNE ETCHEGOYEN ETA AIZKOA ABESBATZA: Donapaleuko abeslariak Les Voix Basques diskoa aurkeztuko dau Aizkoa Abesbatzako kideekaz.

- Zemendiak 25, martitzena. Bilboko Kafe Antzokian, 11:00etan. Sarrera donan. NAPOKA IRIA: Taldeko musikariekaz barriketaldia, Zenbat Gara alkarteak antolatuta.

- Zemendiak 27, eguena. Bilboko Kafe Antzokian, 21:30ean. Sarrera 8 euro aldez aurretik, 12 euro bertan. NAPOKA IRIA eta ANARI: Lehen bikoteak Arnasten ikasteko berriz diskoa aurkeztuko dau, eta Anariren kontzertua izango da ostean.

- Zemendiak 27, eguena. Igorren. Ikastetxeko ikasleentzat. PANKREAS: Antzerki lanaren sortzaileagaz (Patxo Telleria) bariketaldia, Zertuk antolatuta.

- Zemendiak 29, zapatua. Igorreko Lasarte Aretoan, 20:00etan. Sarrera 6 euro. PANKREAS: Gaur egungo tragikomedia bertsoz paratua. Tartean Teatroa konpainiaren antzerki lan barria da, Patxo Telleria, Mikel Martinez eta Joseba Apaolazagaz.

Sarrerak Kutxabanken orotariko kutxazainetan, Interneten eta aretoetan bertan erosi daitekez.