Nahikari Gabilondo eta Ander Lizarralde nagusitu dira astegoieneko final laurenetan

Gipuzkoako Bertsolari Txapelketako hirugarren eta laugarren final zortzirenak jokatu dira astegoienean Zestoan eta Ormaiztegin. Nahikari Gabilondo Zestoan eta Ander Lizarralde Ormaiztegin nagusitu dira. 700 lagunen aurrean, Nahikari Gabilondo nagusitu da Zestoako pilotalekuan jokatutako Gipuzkoako Bertsolari Txapelketako hirugarren final laurenean eta, era horretara, zuzenean sailkatu da abenduaren 6an Eibarren jokatuko dan azken finalaurrekorako. Alaia Martinek eta Jon Maiak lortu dabe bigarren eta hirugarren postua Zestoan

 
Zestoako sailkapena:

Nahikari Gabilondo Mendizabal        504,5
Alaia Martin Etxebeste                      495
Jon Maia Soria                                 489,5
Jokin Uranga Isuskiza                     475
Manex Mujika Amunarriz                 453,5
Eneritz Artetxe Eizagirre                 441,5


Ander Lizarralderentzat izan da Ormaiztegiko final laurdena

Bart Ormaiztegin jokatu da Gipuzkoako Bertsolari Txapelketako azkenaurreko final laurena. Ander Lizarralde oiartzuarra zuzenean sailkatu da zemendiaren 22an Zarautzen jokatuko dan finalaurrekorako. Haren atzetik, Felix Zubia eta Iñaki Apalategi sailkatu dira, hurranez hurran. 460 bertsozale batu dira Zubipe pilotalekuan.

 
Ormaiztegiko sailkapena:

Ander Lizarralde Jimeno                   501
Felix Zubia Olaskoaga                      499
Iñaki Apalategi Astigarraga               498,5
Arkaitz Oiartzabal Agirre Xamoa      490
Unai Gaztelumendi Arandia             485
Maider Arregi Markuleta                   444


Datorren domekan, zemendiaren 8an amaituko da final laurenetako fasea, Eskoriatzan

Gipuzkoako Bertsolari Txapelketeak hurrengo domekan izango dau fase amaierea, Eskoriatzako kiroldegian. Sei bertsolari igoko dira oholtzara: Beñat Lizaso, Manu Goiogana, Mikel Artola, Oihana Iguaran, Unai Agirre eta Unai Mendizabal.

Azken final laurenerako sarrerak salgai dagoz www.bertsosarrerak.eus webgunean.

Ikusi argazki guztiak handiago