Munduko toki ugaritik helduriko 274 eleberri dagoz Nadal Sarien LXV. edizinoko hautagaien artean. Horreetatik sei lan Bizkaiko egileenak dira, eta beste bost Nafarroatik aurkeztu dira. Saria emoteko afaria urtarrilaren 6an egingo da, Bartzelonako Avenida Palace hotelean.

Sua argitaletxe bizkaitarrak Espainia mailako bi sari jaso barri ditu, bata Espainiako Mendi eta Eskalada Federazinoak emona eta bestea, Torelloko Mendi eta Abenturearen Nazinoarteko Zinemaldiak emona.

Lehenengo deialdi honek harrera erabat positiboa izan dauela azpimarratu behar da, zabalkuntza handia eta mundu osoko arte eszenikoen ikertzaileen artean interesa piztu dauelako. Izan be, aurkeztutako lanen artean Ameriketatik etorritako lau topau geinkez.

Euskaltzaindiak eta Bilbao Bizkaia Kutxa Fundazioak urtero antolatzen ditue alkarregaz eleberri, antzerki, olerki eta saiakera sariak, hau da, Euskaltzaindia Literatur Sariak. 2008. urteari jagokozan irabazleen izenak jakinarazo dira gaur, abenduaren 16an, egin den prentsaurrekoan. Sari-emotea Euskaltzaindiaren egoitzan, Bilbon, egin da.

Antton Olano Irurtiak irabazi dau aurten Gasteizko Udalak gazteentzat itzulitako liburuen artean banatzen dauen Gasteiz Itzulpen Saria, Bai baina ez baina bai eleberriari esker. Pasqual Alapont valentziarrak katalanez idatzia da jatorrizkoa (Fi de culs a Mallolca izenburuaz) eta Elkar-ek argitaratu eban itzulpena 2007an, gazteentzako Taupadak bilduman. Saria 9.000 eurokoa da.

Jakina danez, sariek bi lan mueta hartzen ditue: narrazinoa eta olerkia. Adinari begira, bi maila dagoz: A mailea, 11 eta 14 urte bitarteko gazteentzat; eta B mailea, 15 eta 18 urte bitartekoentzat.