Danetara, 60 artista gaztek parte hartuko dabe Getxoarte 2009an, Euskal Herriko arte plastiko eta bisualen sorkuntza barria bultzatzeko eta sustatzeko asmoa dauen ekimenean, hain zuzen be. Erakusketea datorren astean izango da, abenduaren 4tik 6ra, Areetako Geltokia plazako karpan.

Bilboko Eleiz Museoak 'Munduko Jaiotzak' erakusketearen laugarren ekitaldia jarri dau martxan. Erakusketea museoaren klaustroan dago ikusgai eta 2010eko urtarrilaren 10era arte egongo da zabalik. Sarrerea dobakoa izango da, museoko iturriek jakinarazo dabenez.

Lehenengo saria Jose Reyes-k irabazi eban 'La muralla de la guardia' izeneko lanagaitik. Bigarren saria Carlos Espigarentzat izan zan, 'Parraren ingurua' lanagaz. Hirugarren saritua, barriz, Iker Mugarra izan zan 'Vista aérea' proposamenagaz eta Elorrioko Herritarrarentzako saria Ana Mateo-k eroan eban, 'Elorrioko enparantza' izenburuko koadroagaitik.

Bilboko Artelan Berreginen Museoak Harresiak Apurtuz etorkinei laguntzeko Euskadiko GKE-en koordinakundeak antolatu dauen 'InmigrArt 09' erakusketea zabalduko dau gaur, zemendiak 10, eta domekara arte egongo da ikusgai. Erakusketearn helburua artea sentsibilizazino-tresna legez erabiltea da etorkinen balioen, immigrazinoaren zergaitien eta kultur anitzeko gizartearen abantailen aurrean.

Deustuko Unibersidadeak eta EIRE unibersidadean euskerearen alde eragiteko irakasleen alkarteak Euskerazko Unibersidade-Liburuen V. Erakusketea antolatu dabe zemendiaren 3tik 6ra bitartean unibersidade bilbotarreko liburutegiko erabilera anitzeko aretoan.

Zazpi argazki erakusketa, estilo eta gai desbardinetakoak, izango dira ikusgai Bilboko erakusketa-aretoetan abenduaren erdialdera arte BILBOARGAZKI edizino barriari esker.