Ertibil-Bizkaia arte plastikoen erakusketa ibiltaria Bilboko Rekalde aretora ailegau da, eta bertan egongo da irailaren 2ra arte. 29. edizino honetako irabazle Sra. Polaroiska, Jon Macareno eta Mikeldi Pérez artistek aurkeztu dabe erakusketea, Bizkaiko Foru Aldundiko Kultura zuzendari Gonzalo Olabarriagaz batera.

Bilboko Euskal Museoak eta Bilboko Udaleko Jaietako Sailak Bilboko Erraldoiak eta Buruhandiak aldi baterako erakusketea aurkeztu dabe. Iñaki Irigoien eta Jon Gaminde arduratu dira dokumentazino historikoaz. Erakusketea irailaren 30era arte egongo da zabalik.

Valoisko Isabel erretratua lana izango da Bilboko Arte Eder Museoko Obra Konbidadua zemendiaren 7ra arte. Eretratuaren bersino bi dagoz ikusgai museoko 7. aretoan, bata jatorrizkoa, Antonio Morok pintetakoa, eta bestea, haren ikasle Alonso Sánchez Coellorena.

David Espinosa artista katalanaren diziplina anitzeko Mi gran obra proiektu barritzailearen eraikuntza prozesua ikusteko aukerea izango da asteon, BilbaoEszenan.

2012 Euskadi Fundazinoak Zentzua eta Iraunkortasuna proiektuaren kokalekuak aurkeztu ditue gaur Bilbon. Mundu guztiko hamar artista garaikide ospetsuk esku-hartze artistikoak egingo ditue Urdaibain, berbarako, Lagako hondartzan, Gernikako Astra fabrikan eta Gautegiz-Arteagako Andrabideko harrobian.

Miguel de Unamuno idazleak berak egindako marrazki eta ilustrazinoak ikusgai dagoz garagarrilaren 2tik irailaren 14ra arte Bilboko Foru Liburutegian. Bilboko Kultura eta Hezkuntza Sailak idazle bilbotarraren heriotzearen 75. urteurrena gogoratzeko antolatutako egitaraua bereziaren barruan dago erakusketea