Garagarrilaren 8an, Basurtuko Beti Jai Alai taldeak alardea egingo dau Arriagako plazan. Ostean, beste hiru janzta emonaldi izango dira bertan, garagarrilaren 14, 21 eta 28an. Bilboko Udaleko Kultura eta Hezkuntza Sailaren Dantza plazetan ekimenaren barruan dago egitaraua.

Zapatuan, bagilaren 16an, Larrain Jantza erraldoian parte hartzeko deialdia zabaldu dau Bilboko Udalak. Hitzordua: Bilboko Plaza Barrian, 20:00etatik aurrera. Jantzan egiteko gogoa eta oinetako erosoak, ez da besterik eroan behar.

Zapatuan, bagilaren 9an, Durangok Dantzaroaren laugarren edizinoa hartuko dau. Aurten, bigarrenez, Euskal Astearen barruan atondu dabe Durangaldeko jantza taldeen urteroko hitzordua. Kalejira bategaz hasiko da egitaraua, 19:00etan, Udaletxetik Ezkurdira.

Datorren domekan, hilaren 3an, Gorbeian izango da jaia, Egiriñao baseleizearen inguruan. Jai- giro eder honetan parte hartu gura dauenak urteerako hitzordura agertzea besterik ez dau egin behar, 11:30ean Pagomakurreko bideko iturrian.

Espazioaren eta gorputzaren arteko alkarrizketea proposatzen dau Espazioa & Gorputza egitasmoak, gaur bertan Bilboko Alondigan abiatuko dan Ex Arte Biziak ekimeneko monografikoak. Jantza garaikidea, performanceak eta instalazino artitiskoak aurkeztuko ditue Euskal Herriko zein kanpoko sortzaileek hiru egunetan, maiatzaren 19ra arte.

Lehen erromeria datorren domekan, maiatzaren 13an, egingo da Urbiako landatan, Aitzgorriko Natur Parkean. Jai-giro eder honetan parte hartu nahi dauenak eta zaletasun bardineko jente berria ezagutzeko gogoa dauen guztiak, urteerako hitzordura agertzea besterik ez dau egin behar, 11:30ean Arantzazuko baseleizan (ostatuaren aurrean).