XXI. mendeko zinemearen aurrekariak eta eraginak aztertuko ditue garagarrilaren 13tik 20ra bitartean Bilbon, BizBAK EHUren arte eta kulturari buruzko udako ikastaroetan. Enrique Urbizu eta Borja Cobeaga zinemagile ezagunek emongo ditue eskolak, besteak beste.

GetxoPhoto, Nazinoarteko Argazkigintza Jaialdia abuztuaren 30etik irailaren 30era egingo da umezaroa ardatz hartuta. Programazinoaren aurrerapena egin dabe gaur Algortako Portu Zaharrean eta bertan izan dira Imanol Landa, Getxoko alkatea eta Jokin Aspuru, GetxoPhotoko zuzendaria.

Modernidadea eta bere ohiturak: modearen filosofia txikiak izenburuko udako mintegia antolatu dau Cristóbal Balenciaga Museoak garagarrilaren 9tik 11ra bitartean. Modearen gaur egungo diskursoaren hainbat alderdiri buruzko gogoetea egingo dabe.

Garagarrilaren 10ean, barriz, Bilboko Bizkaia Aretoko Arriaga gelan, emongo jako hasierea Vanguardias culturales, actores políticos y escenarios sociales de 1968 a 2011 ikastaroari. XX. mendean sistemea aldatu nahi izan eben kultur eta politika mobimentuen benetako eragina aztertuko dabe partaideek.

UEUren Udako Ikastaroen 40. urteurrenaren ospakizun ekitaldia tarteko, Baionatik bueltan, garagarrilaren 9tik 13ra, Eibarko UEUren Ikastetxe Nagusian (Markeskoa eraikina, Otaola hiribidea 1) izango da barriro hitzordua.

Musealizazino prozesuak museotatik harago ikastaroa egingo dabe garagarrilaren 5ean eta 6an BizBAK EHUko Bizkaia Bilbao Arte eta Kultura ikastaroetan. Finantzatzeko modu alternatiboak eta gizarteagaz hartu-emonak izateko modu barriak aztertuko ditue hainbat adituk.