Pasazaite argitaletxe barriak Andrej Longoren Hamar lanagaz ekin deutso bideari. Camorra mafia taldearen ganeko hamar ipuinek osotzen dabe liburua. Narratibazko lanak eta euskerara itzuliak argitaratuko ditu Pasazaitek, Ion Olanok liburuaren aurkezpenean adierazo ebanez.

Gabriel Aresti Ipuin Lehiaketearen XXX. edizinoaren deialdia egin barri dau Bilboko Udaleko Kultura eta Hezkuntza Sailak. 10.000 euro baino gehiago banatuko ditu saritan. Uriko literatur sariketa zaharrena da.

Ibaizabal argitaletxeak Irakurriz bizi! kanpainea ipini barri dau martxan, udan gazteen eta euren senideen artean irakurketea sustatzeko asmoz. Nobedadeen artean Sagu familia udan 'pop-up' itxurako ipuina dago.

Poesia hutsa edo aukreagaz? Poesia beste barik, ala hoba beste osogai batzuekaz? Hori da aurtengo Eako Poesia Egunek plazaratutako gogoetea. Garagarrilaren 13tik 15era bitartean egingo ditue Poesia Egunak Ean, Bedaron eta Natxituan. Aurten be, egitarau bete-betea atondu dabe.

Eneco de Baigorri gazte bermeotarraren itsas abentura zirraragarria jaso dau Aitor Zuluetak La Hermandad del Atlántico (Ttarttalo) nobelan. Bere lehenengo eleberrian XI. mendera egin dau salto, orduko itsasgizon bikingo eta frankoen artera.

Patziku Perurena idazle nafarrak urteetako gogoetak batu ditu Saski bete intxaur liburuan, ikusitakoak eta pentsetakoak. Alberdania argitaletxeak kaleratu dau.