Euskal literaturea Abu Dhabiko Book Fair izeneko azokan izango da aurten. Izan be, euskal liburuak egongo dira Literature Across Frontiers erakundearen standean. Etxepare Euskal Institutuak eta LAF erakundeak sinatutako hitzarmenak ahalbidetu dau ekimena.

Leioako Umore Azoka-Kaleko Artisten Azokea maiatzaren 17tik 20ra bitartean egingo da, eta daborduko 400 proposamen artistiko baino gehiago jaso ditue, antolatzaileek jakinarazo dabenez. Konpainia, alkarte eta banaitzaileentzat erakusleiho garrantzitsia da Leioako Azokea.

Euskera eta euskal kulturea kanpoan ezagutarazoteko ahaleginean, nazinoarteko azoketan parte hartzeari ekingo deutso aurten be Etxepare Euskal Institutuak. 2012ko lehenengo azoka biak Canneseko Midem -urtarrilaren 28tik 31era- Europako musika azokarik garrantzitsuena eta Pariseko Expolangues -zezeilaren 1etik 4ra- hizkuntza azokea izango dira.

Bilboko 29. Artisau Azokeak berrogei standetik gora izango ditu aurten, abenduaren 16an edegiko dabe, eta hainbat kontzertu eta tailer eskainiko ditue, Sortzen Bizkaiko Artisau Sortzaileen alkarteko Txema San Juanek prentsaurrekoan azaldu dauenez. Urtero lez, Arriaga Antzoki alboan ipini dabe karpea.

Durangoko merkatu-plazan 66 erakustoki dagoz aurten. Arbasoak alkarteak antolatuta, XVI. Euskal Dendearen aurtengo protagonistetako bat Galizia da, izan be, antolatzaileen asmoa da galiaziarren artisautzea ezagurazotea.

Lezamako Udalak (Bizkaia) Liburu Azoka txiki baina interesgarria atondu dau abenduaren 12tik 16ra bitartean. Bertan, liburu zaharrak, aukerakoak, errelikiak, umeentzako literaturea edo eleberriak izango dira aukeran, besteak beste.