Euskal Autonomia Erkidegoan 15 urtetik gorako 1.242.200 Internet-erabiltzaile dagoz, igaz baino %8 gehiago, Eustatek Informazioaren gizarteari buruzko inkesta txostenean argitaratutako datuen arabera. Arabak dauka erabiltzaile-ehunekorik handiena, biztanleen %68, hain zuzen be.

Maiatzaren 17an, munduan ospatuko dan Internet Egunaren bezperan, Internet&Euskadi alkarteak antolatu eta Fidenet Comunicaciónek babestuta, Tweets & Txots ekitaldia izango da Astigarragako Petritegi sagardotegian, maiatzaren 16an.

EHUko IXA taldeak Europeana liburutegi digitaleko edukiak aztertu eta osotzen ibili da, PATHS izeneko proiektu europarraren barruan. Liburuak, pelikulak, pinturak, egunkariak, soinu-artxiboak, mapak, eskuizkribuak eta bestelako artxiboak ditu liburutegiak.

Bilbo eta Bizkaia telefonoetarako aplikazinoen eta terminal mobikorren uriburu bihurtuko dira maiatzaren 23an, laguntzaile personalen, interfazeen eta mobikorretarako bilatzaileen nazinoarteko aditurik garrantzitsuenak batuko dituan Sherpa Summit topaketeari esker.

UEUko Informatika sailak Informatikari Euskaldunen IX. Bilkurea egingo dau hilaren 8an, Donostian. Telefonoek gizartean daukien eragina, honeen inguruan sortu diran aplikazinoak eta smartphone-en mundua aztertuko ditue. Daborduko, 240 adituk emon dabe izena.

Escritores euskéricos contemporáneos liburua sarean jarri dau Euskaltzaindiak, eta Akademiaren webgunean konsultau daiteke, hemen. Liburu hau Euskaltzaindiaren Euskaltzainak bildumako 14. zenbakia da eta Gorka Aulestia ohorezko euskaltzainak idatzia da.