Enbata aldizkaria aurrerantzean Interneten be irakurgai izango da, www.enbata.info gunean. 50 urte bete barri dituan agerkaria aurrerantzean astekaria barik, hilabetekaria izango da.

Euskaltzaindiak bere webgunean jarri ditu, danon eskura, Nafarkaria gehigarriaren 547 zenbakiak, sistematizau eta digitalizau ondoren. 1991ko abenduaren 6an kaleratu zan lehenengoz Nafarkaria, Euskaldunon Egunkariaren Nafarroako gehigarria, eta ordutik barikuro ikusi eban argia, harik eta 2002ko garagarrilaren 26an, larritasun ekonomikoak itota, desagertu zan arte.

Saure argitaletxeak proposamen didaktiko barri bat aurkeztu dau. Ekimen honen bidez, landa-ingurunea, gizartea eta kultureagaz zerikusia daben gaiak ezagutzera emotea da asmoa, irakurketa sortzailea eta ludikoa bitarteko dala. Saure argitaletxeak jarri ditu eduki horreek sarean, doban jarri be, eta hemen dagoz eskuragarri.

Umore Azoka-Leioako Artisten Azokearen edukiak batzen dituan webgunea barriztau dabe bertan batzen diran edukiak eskuragarriago egon daitezan ikusle, konpainia zein hedabideentzat, Umore Azokako zuzendaria dan Ana López Asensioren esanetan.

Herri Arduralaritzearen Euskal Erakundeak (HAEE) Komunikazio elektronikoa. IVAPen gomendioak web orriak idazteko dobako eskuliburu digitala argitaratu dau lehen aldiz. Web orriak eta web edukiak euskeraz sortu nahi dituen erabiltzaileentzako lehen on line liburua da.

1975etik 1999era bitarteko literatur aldizkarien ganeko informazinoa batu dau Migel Angel Elkoroberezibar irakasle eta ikertzaileak Euskal Literatur Aldizkariak webgunean. Danetara, 25 agerkariren ganeko argibideak batu ditu.