Berrizko Udalak, aurten be, irailaren 11n, frankismoaren biktimei gorazarre egingo deutse. Horretarako, irailean hainbat egunetara zabalduko dan ekitaldi-egitaraua preparau dau. Aurten, nobedadeetako bat, irailaren 3tik 11ra erakusgai izango dan argazki-erakusketea izango da.

Laster da. Badator. Bagilaren 20an izango da egun handia. Durangoko Euskal Astearen azken ekitaldia, Eztegua 2010, domeka eguerdian hasiko da; ordu horretan abiatuko da desfilea Merkatu-plaza ostean eta, Kurutziaga, Musiko Altuna, Landako Etorbidea, Madalena, Ermodo, Ezkurdi, eta Andra Marin zehar ibiliko dira.

Ibilbideari herriko plazan ekingo deutse, goizeko bederatzietan. Halanda be, aurretik izena emon beharko da eta bi euro ordaindu, gero jasoko dan jan-edanaren trukean.

Gernikazarra Historia Taldeak herriko pasadizo, jazoera, pertsonaia eta historian zeharreko sasoi bereziei buruzko ikerketak egitea dau helburu sortu zanetik, eta Gernika-Lumoko Udaleko Euskera Sailaren amesa euskerea normalizetako ekintzak indartu eta bultzatzea da, hau da, euskerea erabilteko aukerak emotea.

Algortako eta Andra Mari auzoetako antxinako argazkien erakusketea antolatu dabe datorren urtarrilaren 19ra arte Algortako Azokan Getxoko Udaleko Euskera Zerbitzuak eta Euskaltzaindiak. Helburua argazkietan agertzen diran lekuen ganeko informazinoa batzea da, ondoren, egiten dabizan etimologia liburuan sartu ahal izateko.

Ubide-Zeanuri. Larreen Mankomunidadearen III. Zeharkaldia urri bigarrenaren 31n, zapatuan, egingo da orain dala gizaldi bat baino gehiagotik Zeanuriko eta Ubideko Udalek larreen mankomunidadeko kontuen kitapenerako urtero egiten daben batzarra aprobetxauta.